Desiclinic.com In roman urdu and hindi

 
       Home >> Health>> Vegetables>> Benefits >> Garlic

Benefits of Garlic

Garlic: Garlic comes in vegetable group and is a part of almost of every kitchen. Garlic has numerous health benefits due to the presence of unique sulfur containing compounds, which have e strong antioxidant, antibacterial, and antiviral, and anti-inflammatory properties.

These properties make garlic suitable food stuff for controlling blood pressure and heart diseases. Garlic contain high amount of vitamin C also, garlic has been used in  thousands of cooking recipes and  can be used as  garnishing agent due to  its health giving nutrients. Garlic strengthens the nails if applied locally. Garlic burnt with oil is excellent traditional and local remedy for bone and joint pain because of its anti-inflammatory effects. Garlic is available in form of paste, powder and tablets but fresh garlic should be consumed to gain highest vitamin and antioxidant content.

Garlic also contains some B complex vitamins like vitamin B1 and vitamin B6, which play important role in metabolism. considerable amount of calcium, copper, phosphorous and selenium are also present , these are the trace element  important at cellular level and maintain overall body’s health and regulate cell turnover and prevents age related damage to vital organs. recent studies show that people with family history of heart diseases and high blood pressure, if take garlic in diet on daily basis along with exercise and low calorie diet, greatly reduce the chances of having these diseases in future.

In this page, we are going to discuss about Garlic (lahsun) benefits and advantages and diet in Urdu and Roman Hindi for the people of Pakistan and India.
  Table of Content  

 
Garlic Benefits In Hindi
1.    Kaee pothio wala
2.    Sirf aik pothi jisay ail naliya bhi kehtay hain. Yeh bohot kamyab aur giran hai. Iss ka jazu moasarah aik gehra zard ya bhura farari tial hai. rang safaid, zaiqa, talgh-o-tez mizaj garam.

3 khushk sath tariyaqat kay,miqdar khurak tin masha,maqame paidaish taqriban har jagha kasht hota hai.

Usage Of Garlic
Andruni tor par kasar riyah,maqtah ikhlat ghaliz. Mafat balgham aur muqavi hai so hazam ki bohot say surton mein lahesan aik mufid dawa hai. Hazam ghiza mein madad daita hai.Paishab aur haiz jari karta hai aur awaz ko saf kardaita hai.

Balghami-o-asabi marz dama-o-jamah mafasil, falij, laqwah aur rasha ko mufid hai. mosame sarma mein badan ko garam rakhta hai aur sehat ko qaim rakhta hai. is ko aam tor par anar dana,podina adrak kay sath kundi danday mein ragr kar aur baqadare munasib namak mila kar basoorate chatni istemal kartay hain.Alawah azin riyahi imraz aur apharah mein isay bhoon kar bhi khaya jasakta hai. thom ki aik ganth lay kar isay ghee ya tail mein tal kar surkh karliya jai ya sulagtay huway koelon par itna arsa rakhain kay bahar say koelay ki terha siyah hojai phir qadray namak chirak kar khain.

Is terha phunnay say is ki talkhi door hojati hai. jali aur mehlul honey kiwajah say is ko barik pec kar phoray phunsiyon par zamad kartay hain. Haddi ki TB mein pisay huway lehsan aur so bar dhula huwa makhan mila kar zakhmon par laga kar patti bandhtay hain. Kan mein mukhtalif awazain sunaee dainay aur kam sunnay mein lehsan aur adrak ka ham wazan ras qadre garam karkay kan mein pakatay hain.

Allama tabri, shab firdous alhikmat mein likhtay hain kay bichu katay par lehsan koot kar bandhain bahukam khuda nfah sabit hoga. Is ka lap jaldi zahiri o batani mein zakhal dal daita hai. majoon sair alvi khan ka mashoor murakab hai. jo tamam imraz balghami o sodavi aur jumla zehron kay liye tariyaq hai. mahrabi tib mein bhi lehsan ka ras aik dram kisi sahrbat kay hamrah din mein do tin bar istemal karna ohot moasar hai.

Switzerland ki sandoz company tazah lehsan aur char kol ka murakab tikiyon ki soorat mein alay stain kay nam say farokht kar rahi hai. jo anton mein takhmir-o -taoz roknay kay liye istemal kiya jata hai. ayorwadik tariqa ilaj mein is ka ras ziyadah maroj hai.

Chunanchay baz dehat mein sil-o-diq kay bimaron ko lehsan ka pani bhains kay doodh mein mila kar pilanay ka purana riwaj hai. pani ki miqdar do masha say shurooh karkay chay masha tak barhaee jati hai.

Tehqiqat jadida say abit huwa hai kay is mein gandhak ka fi miqdar mein paee jati hai jo sulphaite ki soorat mein hai yani jis soorat mein gandhak maker dhok mein paya jata hai. isi soorat mein lehsan kay ander hai laihaza yeh aik qisam ka udrati maker dhoj hai.

mashoor muqawi jisam aur muqavi bah wadak dawa hai shayad isi wajah say parachain rashiyon,menon nay is ka istemal barhamchari kay liye mamnuh qarar diya hai.Apharah aur haiza kay ilaj kay liye lehsan maqshar 2 tola safoof zeera siyah aik tola, safoof namal lahori aik tola,gandhak amla sar musafi aik tola, safoof sonth aik tola, safoof pipli aik tola, safoof mirch siyah aik tola, hang bariyan aik tola.Lehsan ko cheel lijiye.

Isay chilnay kay bad bhi aksar is ki har aik pothi par nihayat barik jhilli lipti rehti hai. is ko bhi nihayat ahtiyat say alag kardain. Ab lehsan ko is qadar kharak karain kay is ka koee rag o raisha bai na reh kar makhan ki manind mulaim hojai isaynikal kar chini ya shishay kay kisi bartan mein rakh lijiye ab kharal mein gandhak ko nihayat barik peec kar limon kay ras kay sath itna kharal karain kay manin malai hojai bad azan is mein namak aur hing bariyan bhi shamil kardain aur limon ka ras dal kar khoob zor dar hathon say is qadar kharal karain kay yak jan hojain.

Ab is mein pehlay say kharal shudah lehsan aur baqi safoof shudah dawain bhi miladain. Aur barah ghantay limon kay ras say kharal kay kary char char ratti goliyan banalain.Din bhar mein panch chay goli bakhubi di jasakti hain.

Pait dard, aphara waghairah mein garam pani ya araq sonf ya araq podina kay sath aur qay,haiza mein aab limon, araq sonf ya abepiyar kay sath is kay hairat angez ausaf bohot dafah azmai ja chukay hain.

In say dast,qay,ziyadti,piyar waghairah ki shikayat bilkul rafah hojati hain. Paid dard kay liye bhi yeh dawa nihayat mufid hai kaee dafah bad hazki ki wajah say das ajatay hain. Aisi halatmein bhi is say kamal darja ka faida hotay daikha gaya hai.Pait kay kiron ko marnay key liya lehsan aksir ka kam daita hai. jin dinon is ka istemal kiya jai.

In dinon munaqa ya shahad kay sath din mein tin bar lehsan ko istemal karna chahiye lehsan ko jab ham kattay hain to is ki bees bais gariyan alag alag jhojati hain inhain cheel kar panch giri chotay chotay tukron mein kat kar pandrah bees munaqa kay danon ya shahad kay sath khalaina chahiye.Jo log bila nagha mahinay do mahinay ya tin mahinay tak isay is terha istemal karain gay wo daikhaingay kay in ka jisam kaisa ban jata hai.Gai kay ghee aik tola mein lehsan ki tin pothiyan jalain. Jab khoob jul jain to bahar phaink dain.

Roghan ko shishi mein darl kar rakhain, bawaqte zaroorat do tin qatray kanon mein dala karain. Is say kan ka dard jata rehay ga. Kan say peep nikalna bhi band hojaigi. Sadha bar ki mujrib aur azmoodah dawa hai.Haiza ko anan fanan aram,lehsa,safaid zeera, pahari namak,shudh gandhak,sonth,kali mirach,pipli, har aik do do tola, bhuni hing aik tola, sab ko barik karkay sat din araqe limon mein kharal karkay chany barabar goli banalain. Is goliyon kay istemal say haiz ko anan fanan aram hojata hai. safat mein awwal darjay ki hain.

Food IntakeJawan ko aik din mein char panch goli,kamzor ya bachay ko hasbae taqat, khanay kay bad tin char goli roz khanay say kabhi badhazri nahin hoti. Goli khakar upper say tazah pani pina cahiye.Haiza agar sakht ho to pandrah p andrah minute bad jawan ko do do tin tin goli daina chahiye.

Agar marz ka itna zor na ho to nasf ya ghanta bhar bad dain yad rakhain 4 goliyar haiza mein aksir ka kam karti hain. NoteLehsan ko koot kar mithay pani mein bhigodaina chahiye. Din bhar bhignay kay bad rat ko nikal kar saya mein phailadain. Sawairay phir tazah mithay pani mein isi terha bhigodain aur rat ko nikal kar phailadain.

Is terha sat din karnay say lehsan saf hojata hai. is mein bad bu nahin rehti.Kali khansi mein lehsan ka tazah ras 10 boond,shahd tin masha, pani tin masha aisi aik khurak din mein char bar dain.Lehsan who mashoor zabana sabzi hai jisay sabz aur khushk donon halation mein sal bhar istemal kiya jata hai. har shakhs janta hai isay har sabzi aur salan mein faiday kay liye istemal kiya jata hai. is ki pothiyan sara sal istemal mein ati hain aur yeh faida kay liye har khanay mein jo bator salan istemal kiya jata hai istemal hota hai.

Saltness
Folad, tanba aur vitamin A, H, C waghairah is mein shamil hain.Is ki garmi bay had asar dikhati hai is ka mizaj garam o khushk hai.Lehsan melon  hai,yah maday ki ratubaton ko khushk karta hai.Lehsan ka pani laganay say sar ki uwain halak hojati hain.

Garam mizaj walay lehsan istemal karain to yeh piyar paida karti hai magar balghami mizajwalon ko yeh khanay say piyar mehsoos nahin hoti.Lehsan khanay say jisam mein quwat paisha hoti hai aur yeh khurak ko jald hazam kardaita hai.Raisha aur laqwa walah mariz lehsan ka istemal Karin to is marz say nijat pa saktay hain.Safra ko barhata hai. is mein momiyaee ka badal mojud hai aur yah sar maqam walon key liye bay had murid hai.

Bao gola,waram aza,dama,khansi aur bawasir kay liye bay had mufid hai.Jarasim aur kiron ko halak karta hai. bachu agar dank maray to isay khanay say shafi hasil hoti hai.Pait mein pani parjanay aur khansi kay amraz kay liye bay had mufid hai.Lehsan khanay say blood pressure kay mariz ko faida hasil hota hai. isay khanay say awaz saf hojati hai aur gla saf hojata hai.Rasha laqwah aur imraz ganthiya kay liye yeh bay had mufid hai.

Woh aurat jis ka haiz band ho, isay khurak kay tor parlehsan istemal karwain to haiz khul jata hai. Jisam mein garmi paida karnay kay liye isay sardi kay mosam mein istemal karna bohot behtar hai.

Chunkay lehsan garam aur khushk hai is liya yeh riyah aur balgham ko jisam say kharij karta hai. paishab awar maday ko durust karkay khana hazam karta  hai.Phoray ,phunsiyon par lehsan koot kar lap kardainay say phoray phunsiyon ko aram ajata hai.

Mardi taqat, jismani taqat aur dimaghi taqat ko taraqi dainay mein lehsan sab say baish qimat dawa hai aur ghiza bhi hai isay musalsal istemal karnay say insane awariz say bacha rehta hai.europe mein sil aur sape diq kay liye lehsan ka istemal doctor karwatay hain.

Ziyadah umar walay logon ko is ka istemal ziyadah faida daita hai. isay istemal karnay say mun say bu ati hai magar isay shab bhar pani mein bhigo kar rakh dain to is say bu khatam hojati hai. hamaray han yeh desi ilaj dehat mein bilkhusus aam hai jahan doodh mein lehsan ka ras mila kar tape diq kay marizon ko diya jata hai. doodh bhains ka hota cahiye aur khurak 2 to 16 mashay honi chahiye.

Dang kay maqam par dard ko roknay kay  liye lehsan ka ras lagana bay had munasib hai.Lehsan cheel kar maghaz alag karlain, pehlay roz aik maghaz khain doosray roz do maghaz khain aur phir challis roz tak har roz aik maghaz barhatay rahain aur challis maghaz tak lay jain aur is kay bad phir ghatana shurooh kardain aur aik tak lay jain. Isi is assi roza ilaj tak falij, ganthiya, laqwa-o-reh jaisay khofnak amraz ko shafa milti hai.

Lehsin ko ragarlain aur is mein oshadar mila lain aur jahan jahan jisam par safaid dagh hon wahan in ka lap kartay rahain. Phulehri khatam hojaigi.Jin dinon haizay ki waba phaili huee ho to lehsan ko cheel kar jagha jagha rakh dain aap is waba say mehfooz rahain gay.

Dant ka dard kay waqat lehsan ki pothi ko cheel kar dant kay surakh mein bhar dain. Dant dard yekdam band hojaiga aur dant ka kira mar jaiga. Lehsan ka ras nikal kar qadray garam karain aur is kay chand qatray kan mein dal dain. Kan mein sakht say sakht dard ko shafa nasib hogi aur kan mein mojud phunsi khatam hojaigi.

Lehsan ko pani mein josh dain kay is pani ka joshanda sa ban jai yeh joshandah kisi tab mein dal dain aur tangain bahar rakhain aur pait ko tab mein rakhain kuch dair yun hi rahain.

Kuch dair bad khul kar paishab aaey ga aur aar band haiz hoga to haiz bhi jari hojaiga.Chand lehsan kay maghaz peec lain aur goli si banalain aur phir isay nigal lain sakht say sakht pait dard ko aram ajaiga. Lehsan khatay rehnay say madah antriyon ko taqat milti hai aur isay khanay say bhook barhti hai.Lehsan ko sirka mein ragrain aur phir isay sanp, bichu, baolay kuttay waghairah kay katay kay zakham par lap kardain is say wahan zehar ka asar khatam hojaiga.

Lehsin ka halwah banain aur isay shahad mein mila kar khain. Bakhubi bhook lagay gi. Chahray ka rang surkh hojaiga aur jisam ko taqat milay gi.

Quwate bah mein izafa kay liye bhi yeh bay had mufid hai.Talon kay tail mein lehsan pakain, jahan tak sara asar zail hojai is say sardi ki dardain,namunia,ganthiya aur paishani kay dard ko aram milay ga.Lehsan ka nigdah banalain aur isay phoray par bandh dain.

Phora phat jai ga aur fasid madah jisam say nikal jaiga.Atba nay likha hai kay lehsan kay fawaid is ki ghizayat say ziyadah hain is liye is ka shumar dawaon mein hona chahiye.Lehsan bohot sy la ilaj amraz mein shafa yabi ki alamat hai maslan khoon jab garha hojata hai to lehsan mein yeh asar hay kay isay patla kardaita hai.

Khoon mein jab charbi ki miqdar hojati hai to lehsan ka istemal is charbi ko tehslil karkay khoon ki rawani ko qaim rakhta hai aur khoon kay rastay saf kardaita hai..Lehsan jarasim kush to hai hi yeh kiray mar bhi hai. machar,jun,aur pissu waghairah is kay nazdik nahin atay aur lehsan ka ziyadah istemal karnewalay in say mehfooz rehtay hain.

Dad jo khalisatan aik sodadi alamat hai lehsan is ka ilaj hai. lehsan ka  pani phureri say dad par laganay say faida hota hai agar abla parjai to khalis phika makhan lagana chahiye.Lehsan say dant kay dard ko bhi aram milta hai. dant mein kira lag kar dar honay lagay to lehsan danton kay darmiyan rakh kar dabana chahiye. Is say dard o alam sakin hojatay hain.

Lehsan ka majoon sardiyon mein istemal karnay say kafe balghami, wabaee amraz,laqwa,falij,ghantiya,reh kay dard, namunia ,bhook na lagna, jisam mein hararat, gharaizi waghairah amraz mein bay had mufid hai. is say jisam mein taqat paida hoti hai. aur quwate bah barhti hai.

Majoon bananay ki tarkib yun hai kay maghaz ka chilka maghaz sarhay 6 chantank chach mein bhigodain. Is ki bad bu chach ki turshi khatam kardaigi. Is mein 6 sair doodh shamil karain aur isay naram aag par pakain. Jab sara doodh khoya sa ban jai to is mein sonth. Kali mirach, ilaichi, dar chini, nag gasir, haldi barang, daar haldi, molsignad, badhara, devdar, rasna, gokhro, monif, nim, bair, long, ajwain, chaup, jaizak, tij patar, hawair, pila mol, kachor aur beej konch, chay chay masha karlain inhain peec kar shamil karna zaroori hai aur phir hasbe zaiqa misri milalain. Sardiyon mein subha o sham aik chantank istemal  shafa yaqini day ga azmudah aur tair behdaf hai.

Lehsan Ka Khoya
Chilkay door karkay lehsan kay maghaz nikal lain aur inhain chach mein bhigodain takay rat bhar bhiga rehnay say is ki bad bu khatam hojai. Subha nikal lain aur char gunah doodh mein josh dain. Jab doodh ka khoya ban jai to chini hasbe zaiqa milalain.

 Nusf say aik tola khurak subha o sham istemal karain.Yeh khoya uwate mardi barhata hai. mani ko garha karta hai. sil o diq kay amraz mein bay had murid hai.Falij,joron kay dard,ganthiya aur burhapay kay mariz khain to isay apnay jisam mein nai tawanaee ka ahsas hota hai. falij o reh kay liye is kay magha nikal lain aur jaisay ham nay pehlay 80 rozah course bataya hai who karain yaqini faida hoga.Lehsan ko yun chaba kar na khain agar khana ashad zaroori hai to kam miqdar mein khain. Isay garam mizaj log kam istemal karain aur yun bhi is ka zaroorat say ziyadah istemal durust nahin hai. aitedal reh kar is ka istemal bay panah faida daita hai.Lehsin aur namak peec kar bachu kay kaay kay maqam par laip kardain. Zehar ka asar aur dard khatam hojaiga.Mom batti kay sholay par lehsan kay aik joh ko jalalain aur is ka pani man kay doodh mein hal karkay bachayko dain. Tin char mah kay bachay key liye bay had mufid hai. bachay ka namuniya khaam hojaiga.Agar paishab band hojai to lehsan ka aik juwa is qadar cheel kar barik karlain kay who paishab walay surakh mein rakhil hosakay. Is terha paishab foran  khul kar ajata hai.Lehsan zara  peec lain aur jis simat mein dard ho is samit ki kanpati par laip kardain. Agar is mein lehsan pisay huway hain to zara sa shahad mila kar laip karain ziyadah faida hasil hoga.Lehsan phaipron ki sil,khansi,damay aur kali khansi mein faida daita hai.Kali khansi mein lehsan kay faiday say dehati log bhi waqif hain.

Chunan chand lehsan ki pothiya cheel kar dhagay mein piro kar bachay kay galay mein dal daitay hain taka is ki bu nak kay rastay phaipron mein pohonch kar sakoon day.

Phaipron ki sil mein lehsan ka sunghna aur is ki aik do pothi shahad mein mila kar chatana mufid hai. gathiya mein bhi lehsan faida karta hai pec kar aur shahad mila kar khain. Beruni tor par lehsan phal behri cheep aur dad ko bohot faida daita hai. isi gharaz kay liye lehsan ko noshadar kay sath peec kar lagaya jata hai.Baljirah mein darhi, moonch aur sr kay bal jagha jagha urjatay hain. Jis say insane ki shakal bigar jati hai. lehsan balkhoray mein mufid hai. chand pothiyan aik chutki surmay kay sath peec kar lagain.

Adhay sar kay dard mein dard wali janib aur phoray phunsiyon par lagana bohot mufid sait hota  hai. kan mein phunsi ho to lehsan ka pani kan mein tapkanay say khul jati hai ya pak kar photo jati hai.

Dant mein kira laga huwa ho aur is ki wajah say dard bay chain rakhta ho to lehsan ki potho garam karkay dant par rakh kar kuch dair dabai rakhnay say mukamal aram hojata h ai. Kan aar behta ho to lehsan 10 gram aur sindoor 5 gram ko peec kar sarson kay tail mein pakain is kay bad tail ko saf karkay rakh chorain.

Behta huwa kan is teil kay tapkanay say bohot jald acha hoga.(5-16)
 
Garlic Benefits In Urdu

Garlic Benefits In Urdu  

 
Garlic Benefits In Pakistan And India
Here you will find about Garlic statistics of Pakistan and India.

Watch Video On Garlic
 
 
 
 
 

Related Articles:

Radish | Mooli | Urdu Hindi | Pakistan India    Onion | Piyaz | Urdu Hindi | Pakistan India    Mauve | Kasni | Urdu Hindi | Pakistan India    Ginger | Adrak | Urdu Hindi | Pakistan India    Beetroot | Chuqandar | Urdu Hindi | Pakistan India                       
Page Created: 19-Mar-12 10:52 Last Update: 06-Apr-12 01:30
 
Warning: The information presented in this website is not intended as a substitute for medical care. Please talk with to healthcare provider about any information you get from this web site.
© Copyright 2012-2018  www.desiclinic.com , All Rights Reserved